2025 წელს გაყიდვების ასოციაცია უზბეკეთში, ტაშკენტში, სასტუმრო Hilton Tashkent City-ში გამართავს მასშტაბურ ორდღიან ბიზნეს ღონისძიებას, რომელიც კონფერენციასა და გამოფენას გააერთიანებს.

8 ოქტომბერს ჩატარდება დახურული ფორმატის კონფერენცია, რომელშიც მონაწილეობას მიიღებენ მხოლოდ გამოფენაში ჩართული კომპანიები და მათი თანამშრომლები.

​

9 ოქტომბერს გაიმართება ბიზნეს გამოფენა, რომელშიც მონაწილეობას მიიღებს 50-მდე კომპანია სხვადასხვა სექტორიდან, მათ შორის სამშენებლო, სამედიცინო, სარეკლამო, ლოგისტიკისა და სხვ. მონაწილეებს საშუალება ექნებათ სცენიდან გააცნონ საკუთარი კომპანიები უზბეკეთის ბაზარს, წარმოაჩინონ გამოცდილება და ბიზნესის უნიკალური უპირატესობები. გამოფენაზე დაგეგმილია გათამაშებები და უამრავი საჩუქარი, ხოლო სპეციალურად გამოყოფილ სივრცეებში ჩატარდება B2B შეხვედრები, რაც ბიზნესებს მისცემს შესაძლებლობას სასურველ კომპანიებთან პირდაპირი მოლაპარაკებები აწარმოონ.

ღონისძიება განსაკუთრებული იქნება იმითაც, რომ სტუმრებს საშუალება ექნებათ შეხვდნენ უზბეკეთის ბიზნეს ინდუსტრიის წარმომადგენლებს, მათ შორის: INFRA FINANCE, The Investment Promotion Agency, Ministry of Economy, American Chamber of Commerce, Yard Business Club. გამოფენას ოფიციალურად გახსნის საქართველოს წარმომადგენელი უზბეკეთის რესპუბლიკაში.